விகடன் மேடை
வாசகர்கேள்விகள்...பகுதி(2)!!
- தமிழருவி மணியன்

``தி.மு.க-விடம் 63 தொகுதிகள் வாங்கும் அளவுக்கு தமிழ்நாட்டில் காங்கிரஸ் அபார வளர்ச்சி அடைந்திருக்கிறதா என்ன?’’ - எம்.மிக்கேல் ராஜ், சாத்தூர்.

தமிழருவி மணியன் - ``மேற்கு வங்கத்தில் மம்தா பானர்ஜியிடம் கைகூப்பி நிற்கும் காங்கிரஸ், தமிழகத்தில் கலைஞரைக் காலில் விழச் சொல்கிறது. அவரவர் செயலே, அவரவர் விளைவு. 63 தொகுதிகளில் தரிசனம் தருவது காங்கிரஸின் வளர்ச்சி அன்று; தி.மு.க-வின் தளர்ச்சி. வீக்கம்வேறு... வளர்ச்சி வேறு. காங்ககிரஸ் `ஸ்பெக்ட்ரம்’ தந்த வரத்தால் வீங்கியிருக்கிறது... வளரவில்லை!’’


மேலும்

விகடன் மேடை
வாசகர்கேள்விகள்...பகுதி(1)!!
- தமிழருவி மணியன்

``நீங்கள் உங்களை `அரசியல் அநாதை’ என்று குறிப்பிட்டீர்கள். ஆனால், தற்போது வைகோவைப் பார்த்தால் என்ன தோன்றுகிறது?’’ - சு.ஹரி, திருப்பூர்.

தமிழருவி மணியன் - ``எதுவும் இல்லாதவன் ஏழை. ஆதரிப்பார் அற்றவன் அநாதை. இருப்பதைத் துறப்பவன் துறவி. இன்றைய தேர்தல் களத்தில், வைகோ ஒரு துறவி!’’


மேலும்

ஜெயலலிதாவுக்கு ஒரு திறந்த மடல்!!

.தி.மு.க. பொதுச் செயலாளர் செல்வி ஜெயலலிதா அவர்களுக்கு... வணக்கம். வளர்க நலம்.

உங்களை நினைத்தால் ஒரு பக்கம் வியப்பாகவும், இன்னொரு பக்கம் வேதனை​யாகவும் இருக்கிறது. அன்று முதல் இன்று வரை இது ஓர் ஆணாதிக்க உலகம். நீங்கள் இருந்த திரைப்பட உலகமும், இருக்கும் அரசியல் உலகமும் முழுக்க முழுக்க ஆணாதிக்கத்தின் மோசமான ஆளுகைக்கு ஆட்பட்டவை. 1964-ல் ஸ்ரீதரின் 'வெண்ணிற ஆடை’ படத்தில் முதன் முதலாக நீங்கள் அறிமுகமானபோது, தமிழகத்தின் தலைவிதியை நிர்ணயிக்கும் முதலமைச்சர் நாற்காலியில் ஒரு நாள் அமரக்​கூடும் என்று கண்ணுறக்க வேளையில் கனவு​கூடக் கண்டிருக்க மாட்டீர்கள்! தமிழர்களின் ரசனை எல்லா வகையிலும் வித்தியாசமானது. திரைப்படங்களில் நாயக, நாயகியராய் இணைந்து நடித்த இருவரையும் முதல்வர் நாற்காலியில் அமரவைத்து அழகு பார்த்த வரலாற்றுச் சாதனை, உலகில் தமிழகத்தைத் தவிர வேறெங்கும் வாய்த்ததே இல்லை.


மேலும்

கலைஞருக்கு ஒரு திறந்த மடல்!

தமிழக முதல்வர் கலைஞர் அவர்களுக்கு...
வணக்கம். வளர்க நலம்!
என் பால்ய காலந்தொட்டு உங்கள் அரசியலை நான் பார்த்து வருகிறேன். நீங்கள் ஒரு சாகச அரசியல்வாதி என்பதில் இங்கு யாருக்கும் சந்தேகம் இல்லை! தமிழகம் கண்ட தலைவர்களில் பல வகைகளில் நீங்கள் தனித்துவம் மிக்கவர். காமராஜரைப் போலவே பாரம்பரியப் பின்புலம், உயர்குடிப் பிறப்பு, செல்வ வளம், கல்லூரிப் படிப்பு என்று எதுவுமின்றி,
மேலும்

தெருவுக்கு வந்திருக்கும் தர்மபாலர்கள்!

`நெருக்கடி நிலை நாயகர்’ சஞ்சய் காந்தியின் முக்கியமான சீடர் அப்துல்ரகுமான் அந்துலே. 1980-களின் தொடக்கத்தில், மகாராஷ்டிர மாநில முதல்வராக மகுடம் சூட்டப்பட்டார். நவீனன் சுல்தானைப்போன்று நடந்துகொண்ட அந்துலே, ஊரை அடித்து உலையில் போட, `இந்திரா காந்தி பிரதிபா பிரதிஷ்டான்’ என்ற அறக்கட்டளையை அமைத்தார்.
மேலும்

காங்கிரஸ் இனி சுமையே!

பொது வாழ்வில் தூய்மை, நேர்மை வேண்டு மென இளைஞர்கள் மத்தியில் காந்திய பிரசாரம் செய்து வருகிறார் காந்திய மக்கள் இயக்கத்தின் நிறுவனர் - தலைவர் தமிழருவிமணியன். ``இரண்டு வருடங்களில் தமிழகத்தில் பெரிய மாற்றத்தைக் கொண்டு வருவோம்’’ என்கிறார்.
மேலும்

ஆடும் நாற்காலிகள் ஆடுகின்றன!

நாற்காலி மனிதர்களின் நாடக மேடைதான் தமிழக அரசியல் என்பது மீண்டும் நிரூபணமாகியிருக் கிறது.. சமூகக் கூச்சம் என்பது எள்ளளவும் இல்லாத மலினமான மனிதர்கள்,
மேலும் 

நட்பு செய்வோம்!

நண்பர்கள் இல்லாதவர்கள் நரம்பற்ற வீணைக்கு ஒப்பானவர்கள். நண்பர்கள் பலவிதம். கருணை பொழியும் அன்னையாய் ஒருவர்; அடிமை போல் சேவகம் செய்யும் ஒருவர்.
மேலும்

புதிய ரட்சகர் புறப்பட்டு விட்டார்

' மரணம் என் வாழ்வின் வாசற்கதவைத் தட்டுவது என் காதில் கேட்கிறது. என் மனம் எல்லையற்ற பெருவெளியை நோக்கி மெள்ளப் பறக்கத் தொடங்கிவிட்டது. விழிமூடும் இந்த மரணப் பொழுதில் என் நண்பர்களிடம் நான் ஒன்றை மட்டும் என் நினைவாக விட்டுச் செல்கிறேன். அதுதான் 'சுதந்திர இந்தியா' என்ற என் பொற்கனவு. இந்தக் கனவை நனவாக்க நம் லட்சியத்தை முன்னெடுத்துச் செல்லுங்கள். எந்த நிலையிலும் ஓரடிகூடப் பின்வாங்கலாகாது. நம் நாட்டின் அடிமைப் பொழுது முடிந்துவிடும். சுதந்திரத்தின் ஒளிக்கதிர்கள் பொன்னொளி வீசுவதைக் காணுங்கள். எல்லோரும் எழுங்கள். அவநம்பிக்கை அடையாதீர்கள். வெற்றி விரைவில் வந்து சேரும்.'
மேலும்

மாநில சுயாட்சியும் முதலை முட்டையும்

`நாங்கள் பார்க்காத பதவி இல்லை. பதவி என்பது எங்களுடைய கடும் பயணத்தில் இளைப்பாறுவதற்குக் கிடைத்த ஒரு நிழல். இதுவே நிரந்தரம் என்று கருதி ஏமாறும் ஆட்களல்ல நாங்கள். பேரறிஞர் அண்ணா அவர்கள் ஏற்றித் தந்த சுடர் விளக்கைக் கையிலேந்தி, மழையால் அது நனைந்து விடாமல், சூறாவளியால் அது மாய்ந்து விடாமல், அந்த ஒளிக் கற்றையை எங்களுடைய இன்னொரு கை கொண்டு காத்து, அந்தச் சுடர் விளக்கைக் கரடுமுரடான  பாதையில் காட்டாறுகளைத் தாண்டிக் கொண்டு போய் அதைக் குன்றின் மேலிட்ட விளக்காக பேரறிஞர் அண்ணாவின் லட்சிய தீபமாக ஏற்றி வைக்கின்ற அந்தப் பணிதான் தி.மு.கழகத்தின் முக்கியப் பணியே தவிர, இடையிலே வருகிற இந்தப் பதவிகள் அல்ல!’
-கலைஞரின் வாக்குமூலம் - `முரசொலி’
மேலும்

என்னை செதுக்கிய 7 நாட்கள்

புத்தகங்களின் பளு தாங்காது புவியீர்ப்பு விசைக்கு அதிகமாகவே வளைந்து கொடுத்திருக்கின்றன அலமாரியின் அடுக்குகள். அந்தக் கனம் தமிழருவி மணியனின் வார்த்தைகளிலும்.. மேலும்

பாவம் பாரதம்!

நாம் வாழும் சமூகத்தின் எந்தப்பக்கம் திரும்பினாலும் பொய் முகங்கள். போலிக்கூச்சல்கள் நாடு விடுதலை பெற்று அறுபதாண்டுகளுக்கு மேல் ஆகிவிட்டாலும் நாம் இன்னும் வறுமையிலிருந்து முற்றாக விடுபடவில்லை; எழுத்தறிவு எல்லோருக்கும் வாய்த்துவிட வில்லை. சுற்றுப்புறச் சூழல் ஆரோக்கியமாக அமைந்துவிடவில்லை... மேலும்

மண்ணில் நல்லவண்ணம் வாழலாம்

உலகில் பிறந்த எல்லா உயிர்களும் இன்புற்று வாழவே விரும்புகின்றன. வாழ்க்கை, வலிகள் தரும் ஜீவ மரணப் போராட்டமாகத் தொடர்ந்தாலும், விலங்கிலிருந்து மனிதன் வரை, வாழ்க்கை நேசத்தை விட்டு விடுவதில்லை. ஆண்டவன் படைப்பில் அதிகமாக அழுவதும் அடுக்கடுக்கான துன்பங்ளில் மிக மோசமாக அலைக்கழிக்கப்படுவதும் மனித இனம் மட்டுமே! மனிதரைப் போல்...
மேலும்


கொள்கை கழுதையாகவே இருக்க விருப்பம்!

அரசியல் உலகத்தில் நான் அடியெடுத்து வைத்து, மிகச்சரியாக முப்பத்தைந்து ஆண்டுகள் முடிந்துவிட்டன. வாழ்க்கையின் சகலவிதமான இன்பங்களையும் அனுபவிக்க துடிக்கும் அதிகார வெறிபிடித்த சராசரி அரசியல்வாதிகளுக்கு நடுவில் சமுதாய நலனுக்காகவே அனைத்தையும் அர்ப்பணித்துவிட்ட ஒரு மகத்தான மகரிஷியாக காமராஜ் இருக்கிறார், என்பதை உணர்ந்தேன். அன்று முதல் நான் அந்த தேவனின் புகழ் பரப்பும் தெருப்பாடகனானேன்...
மேலும்

 

 

 

 

 

     
 
 
 
ஆசைகளும் அடங்குவது இல்லை.!

ஆசைப்படுபவர்களுக்கு ஓர் உண்மை புரிய வேண்டும். ஆசைப்படி ஒன்றை அனுபவிப்பதனால் அதன் மீதிருந்த தாகம் தீர்ந்துவிடாது. உறங்குவதன் மூலம் நித்திரையை வெல்ல முடியாது; அந்த நித்திரை மீண்டும் வரும். சுகம் தருவதால் ஒருபெண்ணைத் திருப்தி செய்ய முடியாது. அவளுக்கு அது மீண்டும் தேவைப்படும். விறகினால் நெருப்பு நிறைவடையாது; அதற்கு மேலும் விறகு வேண்டும். குடிப்பதால் மதுவின் மோகம் தீராது. நதிகள் எவ்வளவு நீரைக் கொண்டு வந்து சேர்த்தாலும் கடல் நிறைவடையாதது போல், ஆண் தரும் இன்பத் தில் பெண் திருப்தியுறாதது போல், ஆசைப்பட்டவைகளை அனுபவிப்பதன் மூலம் எந்த மனிதனின் ஆசைகளும் அடங்குவது இல்லை’ என்கிறது நம் மகாபாரதம்.

 
Copyright © 2008 thamizharuvimanian.com